«Әниемнең иң бәхетле көне»

Әниебезнең иң бәхетле көне - августның унсигезе. Әтиебез белән гаилә корган көннәре.

Әни 55 не узды,

Күп бәхетле көннәре.

Таянычы булды аңа

Әтиемнең иңнәре.

Иң бәхетле көне кайчан,

Никах булган көнеме?

Әллә инде өч балага

Гомер биргән көнеме?

"Һәр көнем дә бәхетле, ди,

Сез исән-сау булсагыз.

Ял көнендә барыгыз да

Өебезгә тулсагыз" .

Оныклары туганга да

Сөенеп йөри әни.

Үзе турында уйларга

Вакыты юк әллә ни.

Ленара Әхмәтҗанова , Төбәк-Казан