Бик тәмле каймаклы бәрәңге пешерү ЫСУЛЫ

автор, 21 ноябрь 2017 - 14:44

1629

Моның өчен бәрәңге, каймак, су, сыр, яшел тәмләткеч, суган, тоз, борыч кирәк.

Каймак белән суны бертигез күләмдә алып, яхшылап болгатабыз.

Суганны боҗралап турыйбыз. Бәрәңгене юка гына телемнәргә турыйбыз. Майлы табага суган белән бәрәңгене катламлап салабыз. Һәр катлам өстенә тоз сибәбез. Иң өскә каймаклы катнашманы агызып, вак итеп туралган яшел тәмләткеч сибәбез. 45-50 минут пешкәч, өстенә уылган сыр сибеп, тагын 15 минут газ мичендә тотып алабыз.