Бүген кичке ашка - мичтә пешкән скумбрия балыгы

Безгә кирәк: 1 скумбрия балыгы, 3-4 суган, 2-3 тырнак сарымсак, 1 лавр яфрагы, тоз, лимон согы, үзегез яраткан тәмләткечләр.

Суганны ярым боҗралап турарга, кайнар су белән пешекләргә, суын саркытырга. Пергамент өстенә җәяргә. Туралган сарымсак, вакланган лавр яфрагы өстәргә.
Балыкны сыртыннан ярырга, сөякләреннән арындырырга. Тоз, тәмләткечләр, азрак лимон согы тамызып, уып җибәрергә. Суган өстенә эчке ягы белән җәеп салырга. Кызган мичтә әзер булганчы, якынча 30 минут пешерергә.