“Халык артисты” исеменең шатлыгын, котлауларны күреп өлгермәде (сагыну)
“Алыштыргысыз кешеләр юк” дигән гыйбарә бар... Гыйбарә бар, әмма алыштыргысыз кешеләр дә бар шул... Алыштыргысыз да, кабатланмас та артист иде Идрис Мәсгуди. Камал театрында аның урыны һаман да буш. Сүз грим бүлмәсендәге урыны турында түгел, әлбәттә. Идрис, бик талантлы булуы белән бергә, сирәк очрый торган үзенчәлеккә ия иде.