20 май көнне урыны белән яңгыр, яшен һәм эре боз яву көтелә

Татарстанда һәм аның башкаласында яшәүчеләрне һава шартларының начараюы көтә. Шуңа бәйле рәвештә республикада шторм кисәтүе игълан ителде.

Синоптиклар фаразлавынча, 20-нче май көнне Татарстан территориясендә көндез яңгыр, яшен һәм эре боз явачак. Җилнең көчәюе 18-23 м/с, урыны белән 25-27 м/с ка кадәр булуы ихтимал. Төнлә һава температурасы 15-20 градус җылы, ә түбән урыннарда +10...+15 градус җылы булачак. Көндез һава 26-31 градуска кадәр җылыначак, ә Казанда температура 27-29 градус тәшкил итәчәк. Төнлә алмашынучан болытлы һава көтелә, күбесенчә явым-төшемсез, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Россия Гадәттән тыш хәлләр министрлыгының ТР буенча Баш идарәсе һава торышы начарайган очракта халыкка тәрәзәләрне һәм ишекләрне тыгыз ябарга киңәш итә. Көчле җил вакытында электр тапшыру, реклама такталары, вывескалар, юл билгеләре линияләреннән еракта булырга кирәк. Автомобильләрне зур агачлар тирәсендә парковкалау кирәкми.

Машина йөртүчеләргә мөмкин булганча ерак араларга сәфәрләрдән баш тартырга киңәш итәләр. Яшен вакытында машинада, велосипедта яки мотоциклда булганда хәрәкәтне туктатырга һәм көтәргә кирәк. Ачык урында мөмкин булганча түбәнрәк җиргә ятарга тәкъдим ителә. Якын-тирәдә елгалар, күлләр яки буалар булмау мөһим.

Фото: Денис Гордийко

Чыганак: kzn.ru