28 августта синоптиклар Татарстанда яңгыр, яшен һәм җил булачак дип җиткерә

28-нче августта Казанда алмашынучан болытлы һава торышы булачак, урыны белән бераз яңгыр, яшен фаразлана. Җил - көньяк-көнчыгыштан, көньяктан, уртача, тизлеге секундына 15-20 метрга кадәр көчәюе ихтимал. Бүген төнлә +15-17 градус, көндез +25...+27 градус булачак.

Гомумән алганда, республикада алмашынучан болытлы һава торышы, урыны белән яшенле яңгыр, боз көтелә. Җил - көньяк-көнчыгыштан, көньяктан, уртача, яшен вакытында тизлеге секундына 15-20 метрга кадәр җитәргә мөмкин. Төнлә һава температурасы +13...+18 градус, көндез +25...+30 градус булачак, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Фото: kzn.ru

Чыганак: kzn.ru