Бүген 16 градус җылы булачак

30 июльдә, Казанда аязучан болытлы һава торышы көтелә. Һава температурасы төнлә +8...+10 градус, көндез +14...+16 градус җылы булачак. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.

Көндез урыны белән бераз яңгыр явачак. Җил көньяк-көнбатыштан секундына 15-17 метрга кадәр җитәчәк. Һава температурасы көндез - +14...+16 градус җылы булачак.

Тулаем республика буенча шулай ук аязучан болытлы һава торышы көтелә. Төнлә урыны белән һәм күпчелек районнарда көндез бераз яңгыр явачак. Көнбатыштан, көньяк-көнбатыштан талгын җил, урыны белән, көчәйгәндә тизлеге секундына 17 метрга кадәр җитәчәк. Көндез +12...+17 градуска кадәр җитәчәк.

Фото: архив/Михаил Захаров

https://tatar-inform.tatar