Синоптик: Атна ахырына Идел буе федераль округында кискен салкынайтачак

Атна ахырына Идел буе федераль округында температура нормадан 6-7 градуска түбән булачак. Бу хакта РФ Гидрометеорология үзәге фәнни җитәкчесе Роман Вильфандка сылтама белән РИА Новости хәбәр итә.

Эксперт сүзләренчә, атна ахырында Россиянең кайбер төбәкләрендә температура климат нормасыннан түбән булачак. Шулай итеп, Россиянең Европа территориясенең үзәк һәм төньяк өлешләрендә һава торышы ноябрьгә туры киләчәк.

«Төнлә генә тискәре күрсәткечләр булачак. Көндез 3-4 градус җылы булачак. Атна дәвамында төнлә температура хәтта -5 градуска кадәр төшәчәк», — дип белдерде ул.

РФ Көньяк Европа өлешендә һава температурасы нормадан җиде градуска түбән булачак.

Идел буе федераль округында исә антициклон аркасында 15 ноябрьгә нормадан 6-7 градуска салкынрак булачак, ә көньяк температура аномалиясе 2-4 градус тәшкил итәчәк.

Моннан тыш, шимбә көнне Түбән Новгород өлкәсендә, Башкортостанда һәм Саратов өлкәсендә шактый салкыннар көтелә. 

Чыганак: tatar-inform.tatar