Синоптиклар Татарстанда томан турында кисәтә

Иртәгә төнлә һәм иртән Татарстанның кайбер районнарында томан төшү көтелә. Бу хакта Татарстан Гидрометеорология үзәге матбугат хезмәте хәбәр итә.

Көндез урыны белән кыска вакытлы кар явачак, көньяктан талгын җил көтелә. Иртән һәм көндез урыны белән җил тизлеге көчәйгәндә секундына 18 метрга кадәр җитәргә мөмкин.

Төнлә һава температурасы -2дән -7 градуска кадәр, көндез 0дән -5 градуска кадәр булыр дип фаразлана.

Фото: архив/Рамиль Гали

Чыганак: tatar-inform.tatar