Ял көннәрендә бераз кар һәм бозлавык көтелә

21-нче декабрьдә Казанда аязучан болытлы һава торышы көтелә, төнлә бераз кар явачак. Төньяк-көнбатыштан талгын җил көтелә. Төнге сәгатьләрдә һава температурасы 6-8 градус салкын, көндез 4-6 градус салкын булачак. Юлларда бозлавык көтелә.

Республикада төнлә бераз кар явачак, урыны белән буран булачак. Җил төньяк-көнбатыштан, төнлә урыны белән көчәеп, җилнең тизлеге секундына 15-17 метрга кадәр җитәргә мөмкин. Һава температурасы 4-9 градус салкын булачак.

Якшәмбе көнне, 22 декабрьдә, Татарстанда төнге сәгатьләрдә һава температурасы 8-13 градус салкын булачак, аязганда минус 18 градуска кадәр төшәчәк. Көндез һава температурасы минус 4-тән минус 9 градуска кадәр тирбәләчәк, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Фото: kzn.ru

Чыганак: kzn.ru