Яшен һәм көчле җил көтелә

Татарстанда һәм Казанда яшенле яңгыр һәм көчле җил фаразлана. Бу хакта ТР Гидрометеорология һәм әйләнә-тирә мохитне саклау идарәсе хәбәр итә.

Синоптиклар фаразлары буенча, төнлә һәм көндез 13 июльдә республикада яшен, 15-20 м/с тизлек белән исүче җил көтелә. Төнлә һәм иртән Татарстанның кайбер районнарында томан булачак. 

Төнлә Казанда +14-16 градус, көндез +23-25 җылы булачак.

Татарстан буенча төнлә +11-16 градус җылы, көндез +21-26 градус җылы булуы көтелә.

Фото: https://pixabay.com | tweemr

https://tatar-inform.tatar