Үзе дә шулай уйлаган

Җәй коры килмәсме, ашлык булырмы, Елан елы безгә ниләр вәгъдә итә һәм башкалар турында сөйләштек. Шулчак сүзебезгә колак салып йөргән Рөстәм: "Әни, мин нәрсә елында туганмын?"- дип сорап куйды. Әнисе: "Улым, син Кәҗә елында тугансың. Кәҗә ул акыллы, сабыр хайван",- дип тезә башлаган иде. Рөстәм аны белдекле кыяфәт белән: "Үзем дә, мин Кәҗә елында туганмындыр әле, дип уйлап йөри идем шул",- дип бүлдерде.

Данил Галләмов.