Ихтирамга лаек гаилә

Чын җир кешесе ул. Тормыш иптәше Фәнзилә белән ике кыз һәм бер ул тәрбияләп үстерделәр. Өчесе дә югары белем алдылар. Балалары үзләре кебек итагатьлеләр, тәртиплеләр, ярдәмчелләр. Хәзер инде Данил абый белән Фәнзилә яраткан оныкларының әби-бабалары да. Күп еллардан бирле бригадир булып эшләүче шигъри җанлы Данил абыйны авылның “старостасы” да дияр идем. Ул авылдагы бөтен вакыйгадан хәбәрдар. Йомыш белән мөрәҗәгать итүчеләргә кулыннан килгәнчә булышырга тырыша. Фәнзиләсе фермада бозаулар карый, дини йолаларны да җиренә җиткереп үти. Ике кызы белән ураза тоталар, намаз укыйлар. Галләмовларга укыган догалары кабул, тоткан уразалары саваплы, табыннары һәрчак шулай түгәрәк булсын диясем килә. Балаларының, үсеп килүче оныкларының игелекләрен күреп, гел шулай матур яшәсеннәр дигән теләктә калам.

Илсөяр Шакирова.

Йосыф-Алан авылы.

Фото: https://pixabay.com | PublicDomainPictures