СЫЙНЫФ ҖИТӘКЧЕСЕ ЛӘЙСӘН

Инде өченче чыгарылыш сыйныфы белән эшләүче укытучы Ләйсән Садыйкованы эшен нәкъ шушы юнәлештә алып баручы дияр идем. Танып-белү эшчәнлеге - ул укучының тирә-юньне өйрәнү сәлә­тен, фикерен, китап укуга омтылышын, кызыксынуын үстерә, белем алу ихтыяҗы булдыра, зыялылык сыйфатлары, фән­ни гыйлем тупларга ярдәм итә. Бу юнәлешне Ләйсән Рәшит кызы Шә­мәрдән китапханәсе хез­мәт­кәрләре белән бергә алып бара. Укучылар белән китапханәдә булу, төрле темага конференция, түгәрәк өстәл, бәхәсләрне бик оста оештыра ул.

Хезмәт эшчәнлеге матди байлык булдыруга, аны саклауга, баету­га юнәлдерелгән. Ул сыйныф­та укучының үз-үзләренә хезмәт күрсәтү, җәмгыятькә файдалы, җитештерүчән эш оештыру аша тормышка ашырыла. Дөньяны хис аша танып белү, матурлыкны тою ихтыяҗын, художестволы фикерләүгә, хис-мөнәсәбәтләр үзен­чәлегенә этәргеч бирү сәләтен үстерү эше дә яхшы куелган бу сыйныфта. Укучыларның бию, җыр, сынлы сәнгать, оркестр түгәрәкләренә йөрүендә сыйныф җи­тәк­чесенең роле зур. Узган уку елында вожатый кон­курсының район этабында шушы класс укучысы Айгөл Нургалиева яклау­чы команда көче белән 3нче урынны яулавында Л.Садыйкованың ярдәме зур булды.

Спорт эшчәнлеге ке­ше­нең көчле, җитез, түземле, кеше гәү­дә­сенең сыгылмалы һәм матур булуына ярдәм итә, сәламәт яшәү рәвеше тәрбияли. Ләйсән Садыйкова үзе дә, укучылары да спорт яраталар. Укучылар спорт тү­гәрәкләрендә, ярыш­ларда актив катнаша һәм приз­лы урыннар яулый. Ел саен "Ягез әле, кызлар!", "Ягез зле, малайлар!" бәйгеләрендә укучылар үз көчләрен сыныйлар.

Ирекле аралашу эш­чәнлеге укучыларның ял итү вакытында га­мәлгә ашырыла. Л.Садыйкованың бу юнәлештә дә үз эш алымнары бар. Укучылар белән Тукай-Кырлайга сәяхәт, Ка­занга экскурсия, төрле һөнәр ияләре белән очрашулар еш була. Ләйсән Рәшитовна янына элекке чыгарылыш укучылары да еш килә. Алар укытучылары белән кай­гы-шатлыкларын уртак­лашалар, киңәш сорыйлар, үз сыйныфларының альбомнарын карыйлар, ис­тәлекләрен яңартып ел­­маялар, укучыларга киңәшләрен бирәләр.

Энҗе Галиуллина,

Шәмәрдән лицее тарих укытучысы.