14 декабрь 2021 яңалыклары
-
Татарстанда катгый чикләүләр нәтиҗәсендә ковид белән авыручылар саны кимеде
Бүгенге көндә республикада олы кешеләрнең 72 процентка якыны прививка ясаткан.
-
15 декабрьгә һава торышы
15 декабрьдә Татарстанда аязучан болытлы һава торышы булачак. Көндез кар явачак. Көньяктан, көньяк-көнбатыштан уртача тизлектә җил. Төнлә һава температурасы -5..-10˚, көндез -2..-7˚ градус. Юлларда бозлавык.
-
Тимершык авыл җирлегендә инеш буйлары чистартылды
Тимершык авыл җирлеге буенча инеш буйларында корган агач, куаклардан чистарту эшләре башкарылып тора. Шулай ук язгы ташуга әзерлек максатыннан елга буйларында булган торбаларны ләмнәрдән чистартып, канаулары тирәнәйтелде.
-
“Игенче” җәмгыятендә хезмәтне саклау чаралары үткәрелде
Җаваплылыгы чикләнгән “Игенче” җәмгыятендә хезмәтне саклау, куркынычсыз хезмәт шартларын тудыру, эш урынында травма алуны кисәтү, кеше тормышын һәм сәламәтлеген саклау максатыннан укулар оештырылды. Хезмәткәрләргә кышкы махсус өс һәм аяк киемнәре бирелде.
-
"САБА-АРЕНА" спорт мәктәбендә ир-атлар арасында өстәл теннисы буенча район чемпионаты узды
13 нче декабрь көнне "САБА-АРЕНА" спорт мәктәбендә ир-атлар арасында өстәл теннисы буенча район чемпионаты узды. Бүләкләү тантанасында Саба муниципаль районы Башкарма комитетының яшьләр эшләре һәм спорт бүлеге җитәкчесе Ирек Рамазан улы Гарипов катнашты.
-
Илсөя Бәдретдиновага Татарстанның атказанган артисты исемен биргәннәр
Җырчы Илсөя Бәдретдиновага, ниһаять, Татарстанның атказанган артисты исеме бирелгән. Бу хакта «Ватаным Татарстан» газетасының инстаграмында язганнар.
-
Шәмәрдән мәдәният йортында «Преданья старины глубокой» дип исемләнгән кич утыру үткәрелде
8 нче декабрь көнне Шәмәрдән мәдәният йорты каршында эшләп килүче үзешчән сәнгать белән берлектә «Преданья старины глубокой» дип исемләнгән кич утыру үткәрелде. Чарада катнашучылар күңелле аралашу өчен җыелдылар. Мондый очрашулар гадәти тормышны төрлеләндерергә ярдәм итә. Борынгы кич утырулар тиз әйтү буенча ярышлар оештырган иде. Катнашучыларга тиз һәм чиста әйтемнәр ясарга тәкъдим ителде. Шулай ук кичә барышында төрле уеннар уйнатылды, матур җырлар башкарылды.
-
Татарстанда атна ахырына җылытачак
Һава температурасы -7 градустан аскарак төшмәячәк.