Эстрада
ТНВдан Данил Гыйниятов 30 чакрым араны чаңгыда узып, "Timerman" булмакчы
“Яңа Гасыр” телерадиокомпаниясенең генераль директоры урынбасары Данил Гыйниятов чираттагы спорт үрен яуламакчы. Күптән түгел ул Кама чаңгы марафонында катнашып, 30 чакрым араны эх тә итми узган, дип хәбәр итә ТНВ сайты.
Бу марафон Татарстанның спорт һәм туризм министрлыгы ярдәмендә оештырылган мультиспортив TIMERMAN-2018 («Железный человек"-2018) серия кысаларында үткән.
Кама чаңгы марафоны — икенче старт. Беренчесе гыйнвар аенда Байлар Сабасында үтте.
Алда Данил Гыйниятовны тагын бер спортив этап көтә — март аенда Яшел Үзәндә, аннан соң Казанда да чаңгы марафоннары узачак.
Кем белә, бәлкем нәкъ менә ул Timerman-2018 исеменә лаек булыр.
Сүз уңаеннан, үзенең спорт җиңүләрен Данил әфәнде ТНВның 15-еллыгына багышлаган иде.
Фото: https://tatar-today.ru
Следите за самым важным и интересным в Telegram-каналеТатмедиа
Нет комментариев