КОРБАН ГАЕТЕ МӨБАРӘК БУЛСЫН!

Корбан чалу — кешеләр өчен Аллаһ тарафыннан билгеләнгән, пәйгамбәрләр кылган һәм безгә кушып калдырылган изге гыйбадәтләрнең берсе. Әлеге бәйрәм көннәрендә мөэмин-мөселманнар корбан чалачак, һәр йортта сый-нигъмәтле табыннар әзерләнәчәк, корбан ите мохтаҗларга һәм ярлыларга таратылачак. Әлеге бәйрәм бигрәк тә авыруларга, бәла-казага юлыккан мөселман кардәшләребезгә, өлкәннәргә, ятимнәр һәм мохтаҗларга битараф калмаска, аларга игътибар һәм ихтирам күрсәтергә чакыра.

Корбан гаете мөбарәк булсын!Изге бәйрәмебез барыбызны да игелекле эшләргә рухландырсын, йортларыбызга бәрәкәт, күңелләребезгә- иман нуры, шәфкать һәм мәрхәмәт иңсен. Барыгызны да бәйрәм белән!

Саба муниципаль район Советы һәм башкарма комитеты.

Фото: https://pixabay.com | ziedkammoun