Россия эшмәкәре көне белән!

Хәзерге заман икътисадын урта һәм кече бизнес предприятиеләреннән башка күз алдына да китереп булмый. Шәхси эшмәкәрләр тотрыклы икътисадый үсештә, районыбызда яңа эш урыннары булдыруда һәм заманча технологияләр алып килүдә, инвестицияләр җәлеп итүдә таянырлык көч. Сез сәүдә, хезмәт күрсәтү, төзелеш тармагында, товар һәм продукция җитештерү өлкәсендә матур күрсәткечләр белән сөендерәсез. Хәйриячелек эшчәнлегендә катнашасыз, якынлашып килүче Сабантуйлары да сезнең иганәчелек ярдәме белән уза. Зур рәхмәт сезгә! Сезгә киләчәк көнгә ышаныч, уңышлы партнерлар, куелган максатларыгызга ирешүдә ныклык һәм яңа идеяләрне тормышка ашыруда уңышлар телибез.

Саба муниципаль районы Советы һәм башкарма комитеты.

Фото: https://pixabay.com | rawpixel