Казан – Адлер поездының 8 вагоны рельстан чыккан

Россия тимер юлларында Казан – Адлер поездының сигез пассажир вагоны рельстан чыгуын расладылар. Компания телеграм-каналында шул хакта мәгълүмат урнаштырылган.

Билгеләп үтелгәнчә, бүген 12.35 сәгатьтә Волгоград өлкәсендә Гремячая – Котельниково станцияләре арасында «КамАЗ» йөк автомобиленең йөртүчесе тимер юл аркылы чыгу урынына килеп кергән һәм узып баручы 491нче Казан – Адлер пассажир поезды белән бәрелешкән. Нәтиҗәдә, пассажир поездының 8 вагоны рельстан чыккан.

Волгоград өлкәсендә пассажир поезды рельстан чыкканнан соң 16 кеше (шуларның унөче – олылар, берсе – бала, икесе – проводник) хастаханәгә озатылган, дип хәбәр иттеләр Россия тимер юлларының матбугат хезмәтендә. Компания мәгълүматлары буенча, 140ка якын кеше төрле тән җәрәхәтләре алган.

Төгәллек кертелгән мәгълүматлардан күренгәнчә, авария вакытында поездда барлыгы 803 пассажир булган.

Якынча мәгълүматлар буенча, «КамАЗ»ның йөртүчесе, юл йөрү кагыйдәләрен тупас бозып, якынлашып килүче поезд алдына килеп кергән. Машинист туктарга тырышып караса да, нияте барып чыкмаган һәм поезд йөк автомобиленә килеп бәрелгән.

Тулырак: https://tatar-inform.tatar/news/relslardan-cygyp-augan-poezdda-140-kese-araxatlar-algan-16-kese-xastaxanada-5891128