Хәвеф-хәтәр
«Казан» аэропортыннан кешеләрне эвакуацияләгәннәр
Аэропорт территориясендә шартлаткыч җайланма куелуы турында аноним шалтырату бүген иртән килгән.
Шартлау куркынычы аркасында «Казан» аэропортыннан кешеләрне эвакуацияләгәннәр, дип хәбәр итте «Татар-информ» агентлыгына «Казан» Халыкара аэропорты матбугат сәркатибе Гадел Гатауллин.
Аэропорт территориясендә шартлаткыч җайланма куелуы турында аноним шалтырату бүген иртәнге җиделәр тирәсендә килгән.
Аэровокзал бинасындагы барлык пассажирларны һәм хезмәткәрләрне ашыгыч рәвештә эвакуацияләгәннәр.
Кинологлар һәм ашыгыч хезмәтләр бинаны җентекләп тикшергәч, шартлаткыч тапмаган.
8.20 сәгатьтә аэропорт яңадан эшли башлаган.
Фото: соцсети
Следите за самым важным и интересным в Telegram-каналеТатмедиа
Нет комментариев