Казанда “Тандем” сәүдә үзәгеннән кешеләрне эвакуациялиләр

Бүген 16 сәгать 19 минутта Казанда “Тандем” сәүдә-күңел ачу комплексыннан ашыгыч рәвештә кешеләрне чыгара башладылар. Агентлык корреспондентына “Тандем”ның бер сакчысы әйткән сүзләргә караганда, эвакуация игълан итәргә берничә минут кала, бомба куелуы турында шалтырату булган.

Хәзерге вакытта бинага ашыгыч ярдәм һәм берничә полицейский машинасы килеп туктаган. Эвакуация дәвам итә.

Кайбер мәгълүматлар буенча, “Кольцо” сәүдә-күңел ачу комплексына да шундый ук шалтырату булган һәм аннан да кешеләрне чыгара башлаганнар.
 

Фото: Ольга Голыжбина

http://tatar-inform.tatar