Казандагы торак комплекста канализация сулары Иделгә аккан

Казанда “Волжская гавань” торак комплексы районында канализация Иделгә аккан. Бу хакта “Татар-информ”га Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итте.

Тикшерү фаразлары буенча, 2018 елның гыйнвар урталарында Боевая урамындагы канализация-насос станциясеннән канализация сулары Идел елгасы култыгына аккан.

Нәтиҗәдә, Татарстан Экология һәм табигый байлыклар министрлыгы белгечләре алган суда пычратучы матдәләр бермә-бер арткан.

Россия Тикшерү комитетының Татарстан буенча идарәсе әлеге факт нигезендә “Экологик куркыныч матдәләр һәм калдыклар белән эшләү кагыйдәләре бозылу” маддәсе буенча җинаять эше кузгаткан.

http://www.tatar-inform.tatar