Әлмәт районында поезд белән йөк машинасы бәрелешкән

Миңнебай һәм Кәләй станцияләре арасында «КрАЗ» йөк машинасы йөртүчесе тормозлар эшләмәү сәбәпле тимер юлга килеп чыккан һәм 27 вагонлы 3502 номерлы йөк поездын бәрдергән. Автомобиль йөртүчесе кабинадан сикереп чыгарга өлгергән. Бәрелешү нәтиҗәсендә өч буш вагон рельслардан чыккан.

ТР буенча Гадәттән тыш хәлләр министрлыгы матбугат хезмәте хәбәр итүенчә, һәлак булучылар һәм зыян күрүчеләр юк, поездлар хәрәкәте тоткарланмаган, ягулык акмаган.

Фото: ГУ МЧС по РТ, vk.com

http://maydan.tatar