Хәвеф-хәтәр
Минзәләдә 48 яшьлек ир-ат сүндерелмәгән тәмәке төпчеге аркасында үз фатирында янып үлгән
Янгын Пионерлар урамындагы ике катлы йортта чыккан.
Минзәләдә 48 яшьлек ир-ат сүндерелмәгән тәмәке төпчеге аркасында үз фатирында янып үлгән. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.
Кичә Пионерлар урамындагы ике катлы йортта янгын чыккан. Аның мәйданы 1,5 квадрат метр тәшкил иткән.
Янгынны сүндергән вакытта ут белән көрәшүчеләр 48 яшьлек фатир хуҗасының мәетенә тап булган.
Фаҗига саксыз тәмәке тарту аркасында килеп чыккан дип фаразлана.
Фото: ГУ МЧС России по РТ
Следите за самым важным и интересным в Telegram-каналеТатмедиа
Нет комментариев