Татарстанда өч сәгать урманда адашып йөргән өлкән яшьтәге ир-атны тапканнар

Татарстанда өч сәгать урманда адашып йөргән һәм машинасы янына чыга алмаган 67 яшьлек ир-атны тапканнар. Бу турыда Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

«Бүген 12.03 сәгатьтә ашыгыч хезмәтнең 112 бердәм номерына Минзәлә участок урманчылыгында 67 яшьлек ир-ат югалуы турында хәбәр килде. Пенсионер өч сәгать буе машинасы янына чыгу өчен юл таба алмый йөргән», – диделәр министрлыкта.

Минзәлә янгын сүндерү-коткару гарнизоны хезмәткәрләре адашкан ир-атны ике сәгатьтә машинасыннан 9 чакрым ераклыкта табып алган. Пенсионерга медицина ярдәме кирәк булмаган.

Фото: ГУ МЧС России по РТ

https://tatar-inform.tatar