Татарстанда терлекчелек комплексында янгында алты эшче һәлак булган

Төнлә Татарстан Республикасы Алабуга районының Малореченский бистәсендәге терлекчелек комплексы территориясендә эшчеләрне вакытлыча урнаштыру өчен каралган йортта янгын чыккан.

Бу вакытта өй эчендә 39 кеше булган. Шулар арасыннан 33 эшче бинадан мөстәкыйль рәвештә чыгып киткән, бер кеше җәрәхәтләр алган. Янгын сүндерүчеләр алты ир-ат мәетен тапкан.

Янгынның мәйданы 300 квадрат метрны тәшкил иткән. Якынча мәгълүматларга караганда, фаҗига электр җиһазларын эксплуатацияләү кагыйдәләрен бозу аркасында килеп чыккан.

Тулырак: https://tatar-inform.tatar/news/tatarstanda-terlekcelek-kompleksynda-yangynda-alty-esce-halak-bulgan-5898221