Татарстандагы авариядә абыйлы-энеле өч кеше үлгән

автор, 28 май 2020 - 16:28

1707

Бүген төнлә Ульян юлының 28нче чакрымында зур юл-транспорт һәлакәте булган. «Нива» белән «Вольво» йөк машинасы кара-каршы бәрелешкән. Нәтиҗәдә җиңел машинадагы өч кеше үлгән. Алар барысы да абый-энеләр. Рульдә барган Кайбыч районы егетенә 26 яшь булган. Абыйлары исә 1984 һәм 1990 елгылар.

Татарстандагы авариядә абыйлы-энеле өч кеше үлгән

Юл-транспорт һәлакәтенең сәбәбен җиңел машинаның каршы як полосага чыгуы белән аңлаталар. Татарстан эчке эшләр органнарында әйтүләренчә, «Нива» шоферының правасы булмаган. Йөк машинасы руле артында исә Пенза кешесе булган.