Хәвеф-хәтәр
Түбән Камада чаңгы ярышында үтерелгән Гөлшатны җирләргә йөзләгән кеше килде
Шәһәрнең дин әһелләре, мәрхүмәне соңгы юлга, дога кылып озату өчен, халыкны Җәмигъ мәчетенә чакырды.
Түбән Камада йөзләгән кеше чаңгы ярышында үтерелгән Гөлшат Котенкованың җеназасында катнашу өчен Җәмигъ мәчетенә килде.
Кичә шәһәрнең дин әһелләре, 29 яшьлек Гөлшат Котенкованы соңгы юлга дога кылып озату өчен, халыкны Җәмигъ мәчетенә чакырган иде. Алар мәрхүмәнең хак мөселман булуын, көнгә биш тапкыр намаз укуын һәм ураза тотуын искәртте.
Моңа кадәр «Татар-информ» агентлыгы хәбәр иткәнчә, Гөлшат Котенкованың мәетен 10 гыйнвар төнендә Красный Ключ бистәсе янындагы «Алмаш» өйрәнү-күнегүләр базасы тирәсендә табып алалар.
Следите за самым важным и интересным в Telegram-каналеТатмедиа
Нет комментариев