«Транснефть» резервуарындагы шартлау мизгелен видеога төшереп алганнар

Полина Шевчук, 5 декабрь 2019 - 12:11

877

Янгын нәтиҗәсендә ике эшче һәлак булган.

«Транснефть» резервуарындагы шартлау мизгелен видеога төшереп алганнар. Видеоролик Mash басмасының телеграм-каналында урнаштырылган.

Агентлык моңа кадәр хәбәр иткәнчә, кичә «Кәләй» насос-суырту станциясендә файдаланылмый торган резервуарны чистарткан вакытта янгын чыккан. Янгынны бер сәгать эчендә сүндергәннәр. Аның мәйданы 45 квадрат метр тәшкил иткән.

Кичкә таба резервуар эченнән ике эшченең мәетен табып алганнар. Ир-атларны өскә алып чыгып, полицейскийларга тапшырганнар.