Урман янгыны сәбәпле, Антальяда ял итүчеләргә кунакханәдән чыкмый торырга киңәш ителә

Туризм буенча федераль агентлык Төркиядә ял итүче туристларга Антальяда кунакханә территориясеннән китмәскә киңәш иткән. Бу хакта РИА Новости агентлыгы ведомствоның матбугат хезмәтенә сылтама белән хәбәр итә.

Бу Төркия провинциясендә котырган янгыннар белән аңлатыла. Җирле хакимият вазгыять тиешле контрольдә дип ышандыра (янгынны сүндерү өчен техниканың төрле төрләре кулланыла).

Туризм буенча федераль агентлык ялны вакытыннан алда төгәлләргә чакырмый һәм вазгыятьне контрольдә тотуы хакында хәбәр итә. Ведомствоның матбугат хезмәте белдерүенчә, Россия туристларыннан шикаятьләр килмәгән. 

Чыганак: tatar-inform.tatar