Хәвеф-хәтәр
Юлда велосипедчы имгәнде
Җәйге каникулда балалар катнашында аварияләрнең артуы күзәтелә. Өченчекөн 15 сәгать 35 минутта Тимершык-Олы Шыңар юлында “ВАЗ” машинасын йөртүче Балтач районының 1998 елгы кешесе Р., тиешле дистанция сакламавы сәбәпле, велосипедта баручыга килеп бәрелде. Нәтиҗәдә баш мие селкенгән IX сыйныф укучысы “Ашыгыч ярдәм” машинасында хастаханәгә озатылды. ЮХИДИнең район бүлекчәсе хезмәткәрләре, юл читләрендә җәяүлеләр һәм велосипедта йөрүчеләр артуын исәпкә алып, транспорт хуҗаларына кагыйдәләрне үтәүгә аеруча сак карарга кирәклеге турында искәртә.
Следите за самым важным и интересным в Telegram-каналеТатмедиа
Нет комментариев