6 майда республикада көчле җил, төнлә кырау төшүе көтелә

Көндез һава температурасының максималь күрсәткече +7..+12 градус кына булачак.

Татарстан Гидрометеорология һәм әйләнә-тирә мохитне күзәтү идарәсе алдагы тәүлеккә һава торышына бәйле фаразларын җиткерде. Иртәгә, 6 майда, республикада һәм Казан шәһәрендә аязучан болытлы һава торышы көтелә. Төнлә урыны белән яңгыр, җепшек кар явуы ихтимал. Көндезен дә синоптиклар, кыска вакытлы явым-төшем булыр, дип фаразлый.

Көнбатыштан һәм көньяк-көнбатыштан искән җилнең тизлеге секундына 15-17 метрга кадәр җитә ала. Минималь һава температурасы төнлә - 0..+5 , урыны белән һавада -1, туфракта 0..-3 градуска кадәр салкын булыр дип фаразлана.

Көндезен бераз җылынып, температураның максималь күрсәткече +7..+12 кадәр җитәчәк.

Казанда төнлә һәм көндез дә бераз яңгыр явачак. Һава температурасы төнлә - +2..+4, көндез +9..+11 градус җылы булачак.

http://tatar-inform.tatar