Бүген - Россия Конституциясе көне

Хөрмәтле райондашларыбыз! Сезне Россия Федерациясе Конституциясе көне белән ихлас котлыйбыз. Төп Законыбыз гражданнарның хокукын һәм иреген саклый. Конституциябезнең төп принциплары илебез төбәкләренең тотрыклы үсешен, дәүләтнең нигезле икәнен гарантияли. Төп закон кабул ителгәннән соң узган елларда илебез, республикабыз, шул исәптән районыбыз социаль-икътисадый һәм иҗтимагый-сәяси үсештә мәгълүм үзгәрешләр кичерде. Конституция нигезендә мөһим социаль программалар гамәлгә ашырыла, тормышыбызга яңа технологияләр актив үтеп керә, гражданнарыбызның иҗади сәләтләрен ачу, төрле милләт вәкилләренең татулыгын, дуслыгын ныгыту өчен шартлар тудырыла. Хокукларыбыз безгә бурычлар да йөкли. Барыбыз да күпмилләтле илебезнең киләчәге өчен җаваплылык тоеп, Конституция нормаларын белергә, ихтирам итәргә һәм үтәргә бурычлы. Районыбыз гражданнарын, олысын-кечесен, бәйрәм белән котлап, тынычлык һәм иминлек, сәламәтлек, бәхет, уңышлар телибез.

Саба муниципаль районы Советы һәм башкарма комитеты.