Район шахматчылары Чистайдан 1нче урын алып кайтты

Чистай шәһәрендә 22-23 июльдә шахмат буенча чемпионат - блиц һәм тиз уйнау ярышлары үткәрелде. Чемпионатта районыбыз командасы Рамилә Нургалиева (Татар Икшермәсе), Гүзәл Кәримова (Юлбат), Марат Закиров, Тимур Нәгыймуллин (Шәмәрдән), Зөфәр Мөхәммәтшин (Өчнарат), Динар Закиров (Саба) составында катнашты һәм халык саны 35 меңгә кадәр булган районнар арасында ир-атлар 1нче урынны яуладылар. Хатын-кызларыбыз 2нче булдылар. Марат Закиров үз төркемендә - 1нче, Тимур Нәгыймуллин 2нче нәтиҗә күрсәтте. Гомумән, команда матур уен күрсәтеп сөендерде һәм шахматчыларга алдагы ярышларда да уңышлар телибез.

Азат Әхмәтов, команда җитәкчесе