Ришвәтчелеккә каршы

Аның максаты - илнең икътисадый үсешенә аяк чалучы ришвәтчелекне кисәтү һәм юк итү. Әлеге көн кысаларында узган атнада Балалар иҗат үзәгенең актлар залында авыл җирлеге башлыклары катнашында җыелыш узды. Район прокуроры ярдәмчесе Э.Фәйзетдинова үзенең чыгышында ришвәтчелеккә каршы көрәш, норматив-хокукый актларга коррупциягә каршы экспертиза үткәрү, керем турындагы белешмәләрне тутыру үзенчәлекләре турында билгеләп үтте.

Саба муниципаль районы Советының юридик бүлек начальнигы А.Миникаев коррупцияне булдырмау һәм кисәтү кебек профилактик чараларга тукталды.