ТАТАРСТАННЫҢ “БУРАН ӘБИЛӘРЕН” БАРЛЫЙЛАР

автор, 12 сентябрь 2012 - 06:01

1095

Кичә районыбызның җырга-моңга гашыйк бер төркем ветераннары Кукмарада "Балкыш" фольклор фестиваленең зона ярышында булып кайтты. Фестиваль ветераннар арасында быел беренче тапкыр уздырыла.

Безнең районнан әлеге чарада 60 ветеран катнашырга теләк белдергән. Алар арасында Сабадан - "Нәүрүз", Шәмәрдәннән - "Тулган ай", Явлаштаудан - "Кәнәфер" фольклор ансамбльләре, шулай ук Сабадан, Шәмәрдән, Иштуган, Килдебәк, Шекше авылларыннан чыгыш ясаучылар бар. "Балкыш" фестивале кысаларында өлкән яшьтәге һәвәскәрләр һәм ветераннар осталыкларын, шулай ук артистлык алымнарын күрсәтергә тиеш. Зона турында җиңүчеләр Казанда узачак гала-концертта чыгыш ясаячак.

Следите за самым важным и интересным в Telegram-каналеТатмедиа

Без социаль челтәрләрдә: Телеграм, ВКонтакте, ТикТок, Ютуб, Одноклассники, Твиттер, Яндекс.Дзен