29 июльдә лотерея уены узачак

Хөрмәтле абунәчеләребез! Шимбә көнне- 29 июльдә 2017 елның икенче яртысы өчен "Саба таңнары"на язылучылар арасында лотерея уйнатачакбыз. Уенны 9 сәгатьтә Балалар иҗат үзәге бинасы каршында, җыр-музыка белән аралаштырып үткәрәчәкбез. Лотереяда катнашу өчен 220 кеше газетага язылганлыкка квитанцияләрне китерде. Аларны әле җомга көнне 12 сәгатькә кадәр кабул итәчәкбез. Спонсорларыбыз булышлыгына таянып лотерея отучыларга призлар әзерләдек. Шуңа күрә ашыгыгыз, "Саба таңнары"на язылуны матур мизгелләре белән истә калдырыйк.

Шул ук вакытта гамәлдәге бәяләрдән 2018 ел өчен дә газетага бүгеннән язылып булганлыгын хәбәр итәбез. "Саба таңнары"н алдыручылар ел дәвамында даими укучыларыбыз булып калырлар дип ышанабыз.