Бүләк аласы түгел

Якынлашып килүче Яңа ел һәм Раштуа бәйрәмнәре уңаеннан гражданнарга, шулай ук дәүләт яки муниципаль вазыйфаларны биләүче, дәүләт яки муниципаль хезмәт вазыйфаларында булучы затларга, шулай ук аерым дәүләт һәм муниципаль оешмаларда эшләүчеләргә бүләкләр алу һәм бирүгә закон тарафыннан билгеләнгән тыюларны саклау кирәклеген искәртү ихтыяҗы туа. Бүләкләр алу коррупциягә каршы законнарны бозу булып тора, мәнфәгатьләр каршылыгы тууга юл ача һәм үз артыннан Россия Федерациясе законнарында каралган җаваплылыкны ияртә. Вазыйфаи затларга аларның вазыйфаи бурычларын үтәүләре өчен бүләкләр бирү закон нигезендә ришвәт алу, ягъни җинаять кылу дип каралырга мөмкин.