Игътибар: аерым категориягә кергән гражданнарны торак белән тәэмин итү программасы исәпләнгән

Аның нигезендә Татарстан Республикасында бүгенге көндә 50 күп балалы гаиләгә, 20 чернобыльчегә, 13 мәҗбүри күченүчегә һәм 2 Ерак Төньякка күченүчегә сертификатлар рәсмиләштерелгән. 2017 елда "Федераль законда билгеләнгән аерым категория гражданнарны торак белән тәэмин итү буенча дәүләт йөкләмәләрен үтәү" өстәмә программасына кертелүчеләрнең җыелма исемлегендә безнең районнан 1 радиация йогынтысына дучар булучы, 1 мәҗбүри күченеп кайтучы бар. Моннан тыш 2 күп балалы гаилә торак шартларын яхшыртуга мохтаҗларның резерв исемлегенә кертелгән.