ИКШЕРМӘ УКУЧЫЛАРЫ СЫНАТМАДЫ

Казанның "Заречье" лагеры базасында мәктәп укучылары арасында чаңгы спорты буенча 42нче республикакүләм туристлык слеты ярышларында Балалар иҗат үзәгенең Икшермә урта мәктәбе базасында эшләүче "Туризм" берләшмәсендә шөгыль­ләнүче укучылар катнашты һәм өч көн дәвамында Саба районы данын яклап чыгыш ясадылар. Чаңгыда узышу буенча - II, конкурс программасын тәкъдим итүдә -I, Саба районы тормышын чагылдыручы визитка күрсәтүдә I дәрәҗә диплом белән бүләкләнделәр һәм гомуми нәтиҗәләр буенча 12 ко­ман­да арасында V урынны яуладылар.