“Казан арты” тарих-этнография музеенда “Ызандашлар” очрашуы булды

. Төркем оештыру һәм очрашуның максаты - Казан арты районнарында каләм тибрәтүче һәвәскәр шигырь язучыларны үстерү, аларны халыкка күрсәтү. Ул 2016 елда Арчада яшәп иҗат итүче шагыйрь Зиннур Тимергалиев инициативасы белән оешкан. Хәзерге көндә төркемдә 54 каләм тибрәтүче бар. "Ызандашлар" очрашуында Сабадан район китапханәсендә эшләп килүче "Мишә дулкыннары" клубы җитәкчесе Гөлнара Мостафина, шагыйрә, китап авторлары Ильмира Гыймаева, Зәмирә Сәмигуллина катнашты.