“Кояш кызы" Ләйсән Зарипова белән очрашу (фотолар)

Балалар Ләйсәнне шат күңел белән каршы алдылар. Алар Ләйсәнгә үзләренең шигырьләрен сөйләделәр, җырларын җырладылар, күңелле биюләрен бүләк иттеләр. Аннан соң киң күңелле тылсымчы кыз Ләйсән балалар каршында чыгыш ясады. Беркем дә читтә калмады, балалар Ләйсән артыннан бию хәрәкәтләрен кабатлый башладылар һәм бик кызыксынып Ләйсән белән биеделәр. Бу очрашу балаларның күңелләрендә Ләйсән буләк иткән кояш җылысын калдырды!