Өлкәннәр ункөнлеге уңаеннан Кече Кибәче авылы клубында "Өлкән затлар ихлас елмайса..."-дип исемләнгән бәйрәм кичәсе үткәрелде [+фото]

Өлкәннәр ункөнлеге уңаеннан, 7 октябрь көнне-Кече Кибәче авылы клубында "Өлкән затлар ихлас елмайса..."-дип исемләнгән бәйрәм кичәсе үткәрелде.Бәйрәмгә төрле тармакта эшләп лаеклы ялга чыккан өлкән ир-атларыбыз чакырылды. Иң беренче өлкәннәребезне бәйрәм белән котлап клуб мөдире Шәрәфеева Гузәл иң изге теләкләрен теләде һәм бәйрәм сәламе итеп "Күңел һаман яшь икән"- дигән җырны башкарып үтте. Шулай ук авыл жирлеге башлыгы Сафин А.К бәйрәм кунакларын тәбрикләп, изге теләкләрен җиткерде. Бәйрәм кичәсенә килгән кунакларыбыз хөрмәтенә чәй табыны әзерләнде, алар клуб мөдирләре: Шакирова Ф., Хадиуллина Г. һәм Сабадан килгән үзешчәннәребезнең көче белән әзерләнгән концерт программасын карап күнелле ял иттеләр. Бәйрәм кичәсе ахырында авылдашларыбыз: Мифтахов Гаптерәүф, Гарипов Гараф абыйлар барлык оештыручыларга, өлкәннәр исеменнән олы рәхмәтләрен җиткерделәр.