Мәртен авылында Фидәрис Ганиев истәлегенә багышланган "Итекле хоккей" турниры [+фоторепортаж]

Исемнәрнең болай аталуында ерак түгел яр буенда кабызылган учак һәм анда хуш-исләр чыгарып пешүче ит шулпасы да тәэсир иткәндер. Һәр уен матур итеп сәламләшү белән башланып китеп бер тайм 7 минут дәвам итте.Иң күп очко җыеп "Шырпы" командасы беренчелекне яулады. Аларга кубок, һәм медальләр тапшырылды. Медальләр дүртенче урынга кадәр һәр катнашучыга әзерләнгән иде. Болардан тыш иң күп очко кертүче (Шәмсетдинов Илсаф - 11 гол) ,иң шәп сакчы (Илназ Халилов), үзенчәлекле уенчы (Айзат Шәмсетдинов), яхшы капкачы (Муса Шәмсетдинов), иң матур гол кертүче (Илдус Кәримов) аерым бүләкләнде. Аларга "Спортмастер" кибетенә сертефикат тапшырылды. Тәнәфес ясап, тамак ялгап алган арада Айдар Вакказовның улы Азат (ул Казанда хор түгәрәгенә йөри икән) башкаруында матур җырлар яңгырады. Беренче урынны алган җиңүчеләргә Фидәрисне әтисе Мулланур Ганиев та үзенең кечкенә генә бүләкләрен тапшырды. Чара уен тәмамлангач клубта концерт белән дәвам итте.