Район китапханәсенең уку залында "Казан утлары" журналы мөхәррире Гөлзадә Бәйрәмова белән очрашу [+фото]

Район китапханәсенең уку залында "Казан утлары" журналы мөхәррире Гөлзадә Бәйрәмова белән очрашуга "Сөембикә", "Өлкәннәр", "Китап сөючеләр" клубы әгъзалары килгән иде. Сабай авылында туган якташыбыз "Син һаман шул сандугач", "Әле кайчан гына" китаплары авторы. Гөлзадә Бәйрәмова журналның рубрикалары белән таныштырды, күптөрле сорауларга җаваплар бирде һәм "Казан утлары"на язылуның барышына борчылуын белдерде. Үз-үзен хөрмәт иткән һәр зыялы татарның кул астында торырга тиеш журналга Саба районында да әлеге нибары 10 кеше язылган. Очрашу бу хакта да уйланырга мәҗбүр итте. Татар әдәбиятының меңъеллык мирасын барлап, яңа әсәрләр белән баетып, укучылар хөкеменә соңармыйча илтеп җиткерә торган, илебез тарихындагы кырыс үзгәрешләрне кичеп тә үз йөзен саклап кала алган зур күләмле бердәнбер әдәби-нәфис журналны яңадан-яңа укучылар табылыр әле.