Рөстәм Миңнеханов Сабада булды [+фоторепортаж]

Аны Премьер-министры урынбасары - авыл хуҗалыгы һәм азык-төлек министры Марат Әхмәтов, Саба муниципаль районы башлыгы Рәис Миңнеханов, авыл хуҗалыгы идарәсе начальнигы Гафур Хәсәншин озатып йөрде. Республика җитәкчесе Тимершык басуында хуҗалык җитәкчеләре, авыл җирлекләре башлыклары белән сөйләште, сораулары белән кызыксынды.

Президентны кыр эшләренең барышы белән Рәис Миңнеханов таныштырды, шулай ук районда республика һәм федераль программалар гамәлгә ашырылуы турында хәбәр итте. Аерым алганда, терлек торакларын, силос-сенаж траншеяләрен капиталь ремонт программасы исәбенә авылларда җиһазланыш күпкә яхшыруын белдерде. Рөстәм Миңнеханов язгы чәчү эшләрен уңай бәяләде һәм Саба хуҗалыклары хезмәткәрләренә эшләрне уңышлы тәмамлауларын теләде.