Саба җамигъ мәчетендә «Иң моңлы азан» бәйгесе [+фоторепортаж]

Җиңүчеләр өч яшь категориясе буенча билгеләнде: кечкенә балалар (башлангыч сыйныф укучылары да кереп), мәктәп яшендәгеләр һәм 17 яшьтән өлкәнрәкләр. Моңлы һәм дөрес итеп азан әйтүдән тыш, конкурсантлар дини сорауларга да җавап бирделәр. Бәйге нәтиҗәләре буенча иң аһәңле азан әйтүчеләр булып (һәркайсы үз яшь категорияләре буенча) Мөхәммәд Садыйков (6 яшь, Сабадан), Рамазан Нәҗипов (14 яшь, Мишәбәш) һәм олылардан Расил Тимергалиев (Түбән Утар) табылды. Җиңүчеләргә истәлекле бүләкләр тапшырылды. Бәйгедән фоторепортажны saby-rt.ru сайтыннан карарга мөмкин.