Самбочылар да сынатмый

Татарстан, Башкортостан, Чувашия, Түбән Новгород, Сарытау, Ырынбур, Пенза, Самара, Ульян һәм башка өлкәләрдән иң көчле спортчылар катнашкан бәйгедә үз үлчәү категориясендә райондашыбыз Ришат Нигъмәтуллин ("Олимп" балалар һәм яшүсмерләр спорт мәктәбе) иң яхшы уенчы дип табылды (1 урын) һәм май аенда Санкт Петербург шәһәрендә узачак "Победа" халыкара турнирында катнашу хокукын алды. Шул ук мәктәптән Илфат Мөхәммәтов та әлеге бәйгедә 2 урынга лаек булып, Ришат белән октябрь аенда Отрадный шәһәрендә узачак Россия беренчелеге уеннарына юллама алды (тренер М.Шәрифҗанов).