Шәхси эшмәкәр авылдашлары өчен бәйрәм уздырды

23 нче Март көнне, Иске Икшермә җирлегенә кергән Өч Нарат авылында шәхси эшмәкәр Дамир Абдуллин гаиләсе авылдашлары өчен Нәүрүз бәйрәме оештырды.

Анда авыл халкы хәләл иттән пешкән пылау, шашлык, самовырда кайнап торган чәй белән сыйланды.

Балаларга төрле уеннар оештырылды. Балаларга Эльвира Абдуллина истәлекле бүләкләр һәм уенчыклар өләште, аларга изге теләкләр теләде.

Эльвира һәм Дамир Абдуллиннарга бу чараны оештырганнары өчен барлык авыл халкы рәхмәтен белдерә, эшләрендә, тормышларында зур уңышлар тели. Алга таба да эшләре гөрләп барсын!

Рәхмәтле авылдашлары.