Сукыр күз кайчан яшьләнә?

Хисап конференциясендә сукырлар өчен махсус рес­публика китапханәсе ди­ректоры Наил Сәфәр­галиев, сукырлар спорты федерациясенең төбәк бү­леге вәкиле Алсу Ху­җи­на катнашты. Сукырлар җәмгыятенең төп мак­­­сатлары күз буенча ин­ва­лидларның хокукларын һәм мәнфәгатьләрен яклау, ме­дицина, һө­нә­ри һәм социаль тернәк­ләндерүдә дәүләт вәка­ләт­ләрен тормышка ашы­рырга ярдәм итү, алар­ны мәдәният һәм спорт­ка тарту, шулай ук мат­ди-көнкүреш шартларын яхшырту - җирле оеш­ма рәисе Рәмзия Гали­мованың чыгышы шуңа юнәлтелгән иде.

Финанс эшчәнлегенең аеруча кыен булуы билгеләп үтелде. Шул сәбәпле оешма урнашкан бинаны ремонтлау мәсьәләсе күп еллар хәл ителми. Ул инде тыштан җимерелеп бара. "Дөресен әйтергә кирәк, проблеманы күптән хәл итеп була иде,- диде конференциядә катнашкан район башлыгы Рәис Миңнеханов. -Төрле вариантлар килеп чыкты, әмма өстәге җитәкчеләрегез белән ки­лешеп бетеп булмады. Бу инде 10 ел дәвам итә. Шуңа күрә быел бернигә карамыйча, сезне август-сентябрь айларында бүтән бинага күчереп куябыз,- дип вәгъдә итте район башлыгы.

Хисап чорында оешмага кабул ителүчеләр арткан, хәзер өч районга 314 кеше исәптә тора. Җыелышта күз буенча инвалидларга кагылышлы проблемалар муниципалитет дәрәҗәсендә тикшерелде. Социаль як­лау бүлегенә, ветераннар советына оешма эшчәнлеге белән кызыксынырга һәм булышырга тәкъдим ителде. Наил Сәфәргалиев Аз­­­накайда күрмәүчеләр бе­лән төрле түгәрәкләр оештырып эш алып барулары турында сөйләгәч, аларның тәҗрибәсен барып өйрәнү ветераннар советы рәисенә йөкләнде.

Рәис Миңнеханов оешмада исәптә торучыларның социаль хезмәтләр җыелма­сыннан ни дәрәҗәдә фай­­­даланулары белән дә кызыксынды. Рәмзия Га­лимова: "Анысын белмим",- дигәч, барларга, әле­ге мәсьәләдә инвалидлар арасында дөрес сәя­сәт алып бару зарурлыгына басым ясады. Әгәр бушка бирелүче дарулар исемлегендә күзне дә­валый торганнары юк икән, ни өчен респуб­лика сукырлар оешмасының күпсанлы әгъзалары әлеге проблеманы күтәреп чык­­мый. Еламаган балага имезлек каптырмыйлар - җыелыш әнә шундый рухта төгәлләнде.

Фәнил Мәүлетов.